இன்றைய கவிதை – Sudar FM

இன்றைய கவிதை

இந்த செய்தியைப் பகிர்க

அழகி

ஆயிரமாயிரம் அழகிப் போட்டிகளை
அடிக்கல் நாட்டி நடத்தியிருக்கிறேன்

ஆனாலும் கண்டதில்லை அங்கெல்லாம்
அவளைப் போன்றொரு பேரழகியை

அலங்காரம் ஒப்பனை ஏதுமின்றி
அன்றாடம் சுற்றி திரிந்தாலும்

அவௗில்லாமல் ஒருவரும் அவனியில்
அற்புதமாய் வலம் வரலாகாது

அல்லித் தண்டு பாதம் நோகாமல்
அனுதினமும் கையில் ஏந்தி சென்றிடுவாள்

அதட்டலிலும் புதைத்து வைத்திருப்பாள்
ஆயிரம் மடங்கு அன்பும் பரிவும்

அகர வரிசை தெரியாமல் அவள் எழுதும் கடிதங்கள்
அத்துனை அழகாய் அன்பை சுமந்து வரும்

அயராது ஆண்டவனிடம் கோரிக்கை வைத்திடுவாள்
அவளை பரிவுடன் முதியோர் இல்லத்தில் அமர்த்திய அரக்கனுக்காகவும்..

அண்டமெல்லாம் தேடிடினும் கண்டிட முடியவில்லை
அவளைப் போன்றொரு அழகியை..
“அன்னை” என்ற பேரழகியை..

எழுதியவர் : Sathiyapriya Suryanarayanan

* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!

Advertisement

Recommended For You

About the Author: Sudar

Leave a Reply